主页 > 游戏人工 >《7射0中 也许连沙利也救不了莫拉达?》 >

《7射0中 也许连沙利也救不了莫拉达?》

2020-05-27来源:游戏人工
点赞:365
《原创文章 欢迎转载 请列明出处 谢谢》-请支持蓝狮 Facebook专页-《7射0中 也许连沙利也救不了莫拉达?》 按此观看图片 .图片来源 : VNBongda沉晚车路士完成欧霸盃分组赛第一回合既赛事,作客以1比0击败PAOK,睇番蓝军既正选名单,其实都只係换入左巴克里、萨柏哥斯达及韦利安等人,照计双方实力差距都非常明显,但车路士前线既把握力真係不敢恭维,其中莫拉达更录得7射门0中目标既尴尬记录,莫非就连沙利都救唔到佢?上季初莫拉达由皇马转投史丹福桥,一度令蓝军球迷对此感到无比兴奋,但西班牙人活在时任主帅干地既战术体系下,除左利用「28+9」既入波方程式之外,基本上都唔能维持用脚入波,发挥唔出佢既个人能力同特点,什至有啲格格不入既感觉。而「女人达」、「雪糕筒」、「文弱书生」等名字亦相继在季尾时段出现,去瑘瑜佢每次一比对手掂既时候就会选择训地,从来唔会出现有力同对手争一日之长短哩种行为。去到今季,沙利成为新一任主帅,而上任后随即传出希望收购曾经喺拿玻里一同共事过既希古恩,同时莫拉达亦指成为AC米兰既收购对象,哩位新任意大利教头明显对于蓝军既中锋位置上感到不满。当然,佢既如意算盘算最终都打唔响,希古恩指史丹福桥就只有沙利一个欢迎佢,继而选择加盟AC米兰,而车路士亦选择留用莫拉达及基奥特两名中锋,分别借走巴舒亚伊及艾巴咸到华伦西亚及仲喺英冠既阿士东维拉。莫拉达喺转会窗结束后亦有开腔指自己曾经有意重返意甲,但唔希望以逃避方式离开,决心留低为球队奋拼,季初亦将球衣号码由9号转为29号,去纪念自己一对孖生孩子既出世。而今季的确见到西班牙人喺一啲背身拎波再分边既质素上有明显进步,不过喺一啲埋门质素以及心理同状态上,都未係处于喺皇马什至祖云达斯果时既高水平,黎紧佢仲有好长磨鍊既路要走。7射0中,记录上係唔合格,但最重要既係懂得喺哩个阴影之中走出黎, 至有机会出现一个更强既自己。文章最后更新时间 : 21/09/2018 15:15《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关阅读

随便看看