主页 > 杂志时代 >《当日只视青训如生意 今日终于修成正果?》 >

《当日只视青训如生意 今日终于修成正果?》

2020-05-27来源:杂志时代
点赞:249
《原创文章 欢迎转载 请列明出处 谢谢》-请支持蓝狮 Facebook专页-《当日只视青训如生意 今日终于修成正果?》 按此观看图片 仲记得上年差唔多时间打左篇讲关于车路士青训既文章- 《或许 车路士只当年青球员是一盘生意》,当时其实引起到唔少蓝军球迷既共鸣,普遍都认为哩班年青球员都只係球会赚钱既工具,加工之后最终都只会变卖收场。不过经历短短一年既时间再望番依加车路士一队既阵容,路夫斯捷克、奥岱都经已晋身于常规阵容当中,似乎球会喺年青球员既取向上有些微变化。上季可以话多得时任主帅干地,至可以将基斯甸臣回收护送到一队之中,同时加上意大利人同大卫雷斯交恶,造就左基斯甸臣上位既机会,叫做起码继泰利之后终于有一名青训球员存在于一队名单入面,其实当时基斯甸臣不乏买家,至少借左佢两季既慕逊加柏一早都想将佢收归旗下,无干地既坚持分分钟都已经卖左出去。今季沙利上任后可以话照办煮碗,同样回收上季借左去水晶宫修练既路夫斯捷克返黎,而同时奥岱亦借助与拜仁之间既炒作后来居上,青训球员可以话静静地起革命。当然,从来都话自家青训要上一队都好困难,尤其係生存于传统劲旅列强之中就更加可以话难上加难,即使你具备优厚既天资同潜力,亦都要等待所谓既「机会」来临,无人答到你哩个「机会」会係几时黎到,但係黎左之后仲要睇你把唔把握到,好多球员可能等唔到就选择离开,就好似前季选择离开既苏兰基咁,当时喺车路士苦无机会,最终唔肯同蓝军续约选择转投比起车路士更难比到机会佢既利物浦,唔敢话佢如果当时选择留低的话今日能唔能够发光发亮,但至少果时应转投或外借去一啲中下游球队成长较为合适,佢既例子可以话係喺职场规划作出错误决定。而路夫斯捷克近日都有指出,佢同奥岱入到常规阵容之中其实係一个好好既信号,去话比依加蓝军年青梯队既球员听只要具备实力,球队都会比到机会你尝试喺一队发展,外借係一个过程,係一个比年轻球员更多机会成长既过程,总算係喺感觉上好似漫无目的既外借之中带给你一点希望。不过如果以修成正果而论,一切未免都太早下定论,始终路夫斯捷克、奥岱佢两个依加都先係第一季留队,未来既主帅会改变,球会方针亦会改变,一切仲存在变数喺度,必需要继续努力成长,否则最终都只会离队收场。文章最后更新时间 : 10/4/2019 17:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关阅读

随便看看